President Rodrigo Duterte with President Xi Jinping. AP PHOTO
Kahit ano pang sabihin tungkol sa SONA ni Duterte — na kusang binugaw niya ang mga babae ng Boracay at binalewala ang paghihikahos ng mga taga-Marawi — ito ang sigurado: Patok na patok ang speech ni Digong sa Partido Komunista ng Tsina.
Bilib talaga sa presidente ng Pilipinas ang mga may hawak ng kapangyarihan sa Tsina.
Sa isang editorial ng Global Times, isang kilalang tabloid ng Partido Komunista ng Tsina, tinawag si Duterteng “peaceful,” “cooperative” at “restrained.”
Tanong ng editorial: “Why did Duterte persist in acting in a peaceful, cooperative and restrained way in the South China Sea despite some domestic criticism and US instigation?”
Ang sagot: “Because Duterte has realized that putting disputes aside and seeking cooperation with China brings most benefits to his country. Through cooperative development, China and the Philippines are making an effort to ease tensions in the region and explore a new path of regional cooperation.”
Pag baklasin natin ang editorial, ito talaga ang gustong sabihin ng Partido Komunista ng Tsina: ‘Namputsa, talagang hawak natin sa leeg itong presidente sa Pilipinas. Kahit anong iutos natin, susundin nito. Hindi na natin kailangang sindakin. Siya na ang sumisindak sa sarili niya.’
Sabay may patama pa ang Partido Komunista ng Tsina sa Vietnam, Indonesia at Malaysia, ang mga bansang ayaw magpabutangero sa iba, mga gobyernong ayaw magpasindak.
“Some countries concerned, even countries outside the region, are very sensitive about China’s movements in the South China Sea. These countries over-interpret China’s decisions, accuse China of ‘bullying,’ and even sow dissension among countries in the region to benefit from it.”
Bakit hindi sila gumaya kay Digong? tanong ng Partido Komunista ng Tsina. Bakita hindi sila sumunod sa halimbawa ni Duterte na sinabing: “When China claimed the entire ocean as theirs, eh wala akong magawa, wala tayong magawa eh ‘yan ang gusto niya.”
Iyan ang tunay na kapitbahay, sabi ng Partido Komunista ng Tsina. Ganyan ang tunay ng kaalyado.
Masunurin. Mapagbigay. Hind pumapalag. Walang angal.
Visit the Kuwento page on Facebook
Want stories like this delivered straight to your inbox? Stay informed. Stay ahead. Subscribe to InqMORNING
