Close  
  • share this
commander-in-chief, commentary, Duterte martial law, Duterte speak, Kuwento, presidential rhetoric, rape joke, usapang gago

Martial law at usapang gago

Pres. Rodrigo Duterte: Joke only? INQUIRER FILE

Seryosong usapan ang martial law. Pero anong ginawa ng pangulo ng bansa? Sumabak sa usapang gago.

“Iyong mga gago ganoon magsalita.”

ADVERTISEMENT

Ganoon pinaliwanag ni Duterte noong nakaraang taon ang pagbibiro niya noong 1989 na sana nakasali siya noong ginahasa ng mga bilanggo ang isang babaeng hostage sa Davao.

“Putang ina, sayang ito. … Napakaganda, dapat ang mayor muna ang mauna. Sayang,” sabi ni Duterte.

FEATURED STORIES

Pero usapang gago lang nga daw. Biro lang. Joke lang.

Noong nahalal siya noong nakaraang taon, mas magiging “prim and proper” na raw si Duterte. Tama na iyong mga pagbibiro tungkol sa panggagahasa. Tama na ang mga kabastusan at lenggwaheng kanto. Makakahinga na tayo ng maluwag.

“I need to control my mouth. I cannot be bastos because I am representing our country. If you are the president of the country, you need to be prim and proper, almost, maging holy na ako,” sabi niya.

Pero biro din pala iyon. Joke din pala. Usapang gago.

Nagkakagulo na sa Mindanao, maraming namamatay at nasasaktan. Pero ang presidenteng prim and proper ito ang mensahe sa mga sundalong sasabak sa labanan: “Trabaho lang kayo. Ako na bahala. Ako na magpakulong sa inyo. Kapag naka-rape ka ng tatlo, aminin ko na akin ‘yun.”

Gaya ng nabanggit ng marami, may isang makapag bibigay sa atin ng pag asa: mukhang walang tumawa sa mga sundalong nakikinig sa commader-in-chief.

E bakit nga naman sila matatawa? Nakakatawa ba ang malagay sa peligro sa gitna ng digmaan.

ADVERTISEMENT

Ano kaya ang naisip ng marami sa kanila noong narinig ang presidente nilang tila hinihikayat silang lumaban — at kung gusto nila, manggahasa? Sige lang mga boys, sagot ko kayo.

‘Ano raw? Anong pinagsasabi ng pangulong itong hindi naman namin makakasama sa labanan at kung anu-anong pinagsasabi?”

‘Susugod na kami sa giyera, kalaswaan at kalibugan pang naiisip nitong taong ito?’

‘Ano’ng kala nitong taong ito sa amin? Nagsundalo ako para ipagtanggol ang mga mamamayan. Tingin niya nag-sundalo ako dahil gusto kong mang-rape?’

Para sa “heightened bravado” daw ang biro ni Duterte, sabi ng Malakanyang.

“He gave his full support to the men and women in uniform, taking complete responsibility for their actions, even exaggeratedly describing crimes,” sabi ng kawawang spokesman na kailangang ipagtanggol ang usapang gago.

“As Commander-in-Chief, he would stand by his personnel and that no one will be abandoned including the fallen.”

Seryosong usapan ang paglusob ng mga armadong terorista sa Marawi.

Seryosong usapan ang pagtatalo kung wasto nga ba ang pagdeklara ng martial law sa buong Mindanao.

Seryosong usapan ang implikasyon ng lumalawak na digmaan sa kapayapaan at kabuhayan ng buong sambayanan.

Pero paano tayo magkakaroon ng seryosong usapan? Iyong dapat mamuno ay mahilig sa usapang gago.

Vist and Like the Kuwento page on Facebook.

On Twitter @boyingpimentel

Read Next
Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS: commander-in-chief, commentary, Duterte martial law, Duterte speak, presidential rhetoric, rape joke, usapang gago
For feedback, complaints, or inquiries, contact us.
entertainment

Jak wants to spend the holidays with Barbie

December 16, 2018 12:10 AM

entertainment

Channing glad Amanda is ‘back on the right track’

December 16, 2018 12:00 AM

newsinfo

Death of 7-year-old on U.S. border raises questions

December 15, 2018 10:16 PM




© Copyright 1997-2018 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.