Si Duterte, ang Partido Komunista ng Tsina at ang coronavirus
President Rodrigo Duterte and China’s President Xi Jinping. AP PHOTO
Mga karaniwang tao ang biktima ng krisis na ito. Mga karaniwang mamamayan ng Pilipinas at ng Tsina ang nasasakatan at namamatay dahil sa kabulastugan ng mga naghahari sa Beijing at sa isang presidenteng sunud sunuran sa kanila.
At oo, dapat tandaan ng mga Pilipino, na kasama sa mga nasasalanta ang mga mamamayan ng Tsina kung saan pinatahimik ng Partido Komunista ng Tsina ang mga doktor at opisyal matagal nang gustong ibunyag ang banta ng corona virus.
Kasama dito si Li Wenliang, isang doktor na binanggit ang mga nagkakasakit sa Wuhan noong Disyembre pa. Sinita siya agad ng mga opisyal ng Partido Komunista ng Tsina at pinilit na sabihing “illegal behavior” ang ginawa niya.
Oo, sa Tsina sa ilalim ng Partido Komunista ng Tsina, iligal at bawal ang pagbunyag ng isang krisis na makakamatay sa marami.
“This was an issue of inaction,” sabi ni Yanzhong Huang ng Council on Foreign Relations.
At nakakahawa pala ang “inaction.” Nahawaan na rin ang isang bansang may mga pinunong sunud sunuran sa Partido Komunista ng Tsina.
“Mahirap ‘yang ano, sabihin mong you suspend everything because they are not also suspending theirs and they continue to respect the freedom flights that we enjoy,” sabi ni Duterte sa mga reporter.
Kung hindi pa naging malinaw ang panganib hindi pa susunod si Duterte at mga alipores niya sa pag-ban ng biyahe mula Tsina.
At ayun na nga, ang unang bansa sa labas ng Tsina na may namatay sa corona virus ay ang Pilipinas.
Kung hindi pa ba naman maging malinaw sa lahat ng Pilipino na ang presidenteng kala mo kung sinong siga kung umasta sa Amerika at ibang bansa habang garapalan kung sumunod sa gusto ng Partido Komunista ng Tsina, na nagudyok sa isang malawakang patayan, na walanghiya kung kung mambastos ng mga mahihirap na Pilipino, mga kababaihan at sa sinumang pumuna sa kanya niya — na ang ang lider na ito ay salot na nambubusabos sa Pilipinas tulad ng virus na lumalapastangan sa buong mundo.
Visit the Kuwento page on Facebook
